Կոլումբիացի դիվանագետները Վենեսուելայից ոտքով են հեռացել
Կոլումբիացի 3 դիվանագետներ ոտքով լքել են Վենեսուելան այն բանից հետո, երբ երկրի նախագահ Նիկոլաս Մադուրոն խզելով Կոլումբիայի հետ դիվանագիտական կապերը, նրանց 24 ժամ է տվել երկրի սահմանները լքելու համար: Այս մասին հաղորդում է РИА Новости-ն:
Դիվանաետներն ու իրենց ընտանիքների անդամները Սան Անտոնիոյի սահմանով Վենեսուելան լքել են ոստիկանության ուղեկցությամբ:
Հիշեցնենք, որ փետրվարի 23-ին Վենեսուելայի նախագահ Նիկոլաս Մադուրոն հայտարարել էր Կոլումբիայի հետ դիվանագիտական հարաբերությունները դադարեցնելու մասին և հրամայել կոլումբիացի դիվանագետներին 24 ժամվա ընթացքում հեռանալ երկրից: Բացի այդ, Մադուրոն հանձնարարել է զորք տեղակայել Կոլումբիայի հետ սահմանին ՙխաղաղությունը պաշտպանելու և մարդկանց անվտանգությունը պահպանելու համար՚:
Այդպիսով, Բոլիվարյան հանրապետությունում բնակվող Կոլումբիայի ավելի քան հինգ միլիոն քաղաքացի մնում է առանց դիվանագիտական աջակցության:
