Հայաստանի Հանրապետության և Ռուսաստանի Դաշնության արտաքին գործերի նախարարներ Զոհրաբ Մնացականյանն ու Սերգեյ Լավրովը հանդիպել են Մյունխենյան անվտանգության համաժողովի շրջանակում, հայտնում է ՌԴ ԱԳՆ մամուլի ծառայությունը։ Նախարարները քննարկել են Լեռնային Ղարաբաղի հակամարտության կարգավորման հեռանկարները։ Լավրովն ու Մնացականյանը քննարկել են նաև երկկողմ և միջազգային օրակարգի մի շարք հարցեր։ Ինչպես տեղեկացնում է ТАСС-ը, հանդիպումն անցել է փակ ձևաչափով առանց լրատվամիջոցների ներկայության։