Արայիկ Հարությունյանըՙ հեղափոխության թեմայով շարադրության մասին. Պետք է բացառվի
Կրթության և գիտության նախարար Արայիկ Հարությունյանը լրագրողների հետ զրույցում ասել է, որ բացասական վերաբերմունք ունի դպրոցական օլիմպիադայում Թավշյա հեղափոխության թեմայով շարադրություն ներառելու դեպքին:
«Նման երևույթները միանշանակ պետք է բացառվեն։ Լսել եմ, գիտեմ այդ մասին, նախարարությունն այդ փուլի կազմակերպման համար գործառույթ չի ունեցել։ Ամեն ինչ կանենք, որ ապագայում այդ հաճոյանալու մշակույթը հնարավորինս արմատախիլ անենք դպրոցից», - ասել է նախարարը։
Ավելի վաղ հաղորդել էինք, որ 8-րդ դասարանի հայոց լեզվի համաքաղաքային օլիմպիադայի ժամանակ երեխաներին հանձնարարվել էր շարադրություն գրել ՙԵրբ քայլում են, քայլում են, քայլում են՚ թեմայով: Միջադեպը մեծ սկանդալ էր բարձրացրել, որոշ լրատվամիջոցներ նկատել էին, որ տեղի ունեցածը դպրոցների կուսակցականացված լինելու արդյունքն է:
