Փոփոխությունՙ «ՀՀ քաղաքացիության մասին» օրենքում
ԿԱՐԵՎՈՐ ԻՐԱԶԵԿՈՒՄ
06.12.2017թ. ընդունված օրենքով «ՀՀ քաղաքացիության մասին» ՀՀ օրենքում կատարված փոփոխությամբ ազգությամբ հայ երեխաների համար սահմանվեց նոր դրույթ: Մինչ այդ մինչև 18 տարեկան երեխայի կողմից ՀՀ քաղաքացիություն ձեռբերելու համար ծնողներից մեկը գոնե պետք է հանդիսանար ՀՀ քաղաքացի: Պրակտիկայում լինում էին դեպքեր, երբ ազգությամբ հայ երեխան բնակություն էր հաստատում ՀՀ-ում, ծնողները ՀՀ քաղաքացիներ չէին, սակայն ուզում էին երեխայի համար ստանալ ՀՀ քաղաքացիություն: Օրենքը թույլ չէր տալիս:
Փոփոխության համաձայն, նույնիսկ եթե երկու ծնողները ՀՀ քաղաքացիներ չեն, ազգությամբ հայ երեխան բնակություն է հաստատում ՀՀ-ում, ծնողները կարող են դիմել երեխայի ՀՀ անձնագիր ստանալու համար:
