Կրեմլը պատրաստ է ուկրաինական հակամարտության խաղաղ կարգավորմանը

Ռուսաստանը շարունակում է բաց մնալ ուկրաինական հակամարտության խաղաղ կարգավորման ուղիների համար։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։

«Ռուսաստանը շարունակում է բաց մնալ խաղաղ կարգավորման ուղիների համար, սակայն դրանց բացակայության պայմաններում մենք շարունակում ենք հատուկ ռազմական գործողությունը»,- ասել է Պեսկովը։

Անդրադառնալով ՌԴ նախագահ Վլադիմիր Պուտինի և Անվտանգության խորհրդի փոխնախագահ Դմիտրի Մեդվեդևի՝ ռազմական գործողությունում հաղթանակի վերաբերյալ հայտարարություններին՝ Պեսկովն ասել է.

«Մենք ոչ միայն հույս ունենք, այլև վստահ ենք, որ այդ հաղթանակը կլինի։ Թե ինչ միջոցներով՝ կախված կլինի ընթացիկ իրավիճակից»։