Կանանց միջազգային օրվա կապակցությամբ իրականացվելիք միջոցառումների կազմակերպման և անցկացման համար այսօր Գյումրու ավագանին համայնքի բյուջեից որոշեց հատկացնել 3 000 000 դրամ: Hraparak am-ը նշում է, որ նշված գումարից 2 100 000-ը հատկացվում է քաղցրավենիք գնելուն, իսկ ահա 400000-ին շամպայն, 200000-ին ծաղիկներ, 300000-ին բացիկներ են գնելու: Լրատվամիջոցը նկատում է, որ ավանդույթ է դարձել, որ Գյումրու քաղաքապետ Սամվել Բալասանյանի անունից քաղաքի տարբեր հատվածներում մարտի 8-ին ծաղիկներ ու բացիկներ են նվիրում կանանց ու աղջիկներին: ՙԻսկ ահա համայնքի բյուջեից հատկացված գումարի 2500000-ը բաժին է ընկնում համայնքային ենթակայության տակ գտնվող կառույցներում աշխատող կանանց, որոնք տոնից դեռ 1 օր առաջ քաղաքապետարանի կողմից տորթ ու շամպայն են ստանում: Ուշագրավ է նաև, որ գրեթե ամեն տարի քաղաքապետարանը քաղցրավենիքի գնումները կատարում է քաղաքապետի ընտանիքին պատկանող հրուշակեղենի գործարանիցՙ,- գրել է լրատվամիջոցը: