Կացնով զինված տղամարդը ներխուժել է բանկ․ Գողության անհաջող փորձ՝ ՎՏԲ-ում․ Մանրամասներ

Արդեն հայտնել էինք, որ, ըստ AuroraNews-ի տեղեկությունների, ոստիկանները ՎՏԲ բանկի Բաղրամյան մասնաճյուղից բերման են ենթարկել մի քաղաքացու։ Եվ այսպես, Auroranews-ի տեղեկություններով, բանկը ենթարկվել է չստացված հարձակման։ Կացնով զինված քաղաքացին փորձել է գողություն կատարել։ Բանկի մամուլի ծառայությունից հայտնել են, որ դեպքի վայրում աշխատում են ոստիկաններ։ Բանկը քիչ անց հանդես կգա հայտարարությամբ։ Ավելի ուշ, ոստիկանությունը պաշտոնական հաղորդագրություն տարածեց, որում նշված է․ «Հունվարի 29-ին՝ ժամը 13.50-ին, ոստիկանության Արաբկիրի բաժին ահազանգ է ստացվել, որ «VTB» բանկի Բաղրամյան պողոտայում գտնվող մասնաճյուղ կացնով մարդ է մտել։ Մասնաճյուղում ծառայություն իրականացնող ոստիկանության պետական պահպանության գլխավոր վարչության ոստիկանը վնասազերծել է այդ տղամարդուն։ Վերջինս դեպքի վայր ժամանած ոստիկանության Արաբկիրի բաժնի ծառայողների կողմից բերման է ենթարկվել: Կատարվում է քննություն», -ասված է հաղորդագրության մեջ: