Հոլիվուդյան դերասան Քրիստիան Բեյլը, որը մարմնավորել է սուպերհերոս Բեթմենին, ԱՄՆ նախագահ Դոնալդ Թրամփի մասին զավեշտալի պատմություն է պատմել։ Պարզվում է՝ մեկ անգամ Թրամփը նրան շփոթել է իրական Բեթմենի հետ։ Դա տեղի է ունեցել «Թրամփ-թաուերում» «Սև ասպետ» ֆիլմի նկարահանումների ժամանակ։ Այդ ժամանակ միլիարդատերը դեռևս ԱՄՆ նախագահ չէր և չէր պատրաստվում առաջադրվել այդ պաշտոնում։ Նա Բեյլին կանչել է իր աշխատասենյակ և տարօրինակ վարք դսևորել։ Դերասանի խոսքով՝ Թրամփն իր հետ շփվել է այնպես, կարծես թե ինքն իրոք Բրյուս Ուեյնն էր՝ ֆիլմի հերոսը, որը պայքարում է հանցավորության դեմ։ Բեյլը չի սկսել հակառակը համոզել։ Նա նաև հագնված է եղել Բրյուս Ուեյնի նման, այդ պատճառով պարզապես խաղացել է Բեթմենի կերպարը։