Հայկ Մինասյանը դարձել է աշխարհի չեմպիոն

Էստոնիայի մայրաքաղաք Տալլինում անցկացվող շարժվող թիրախ մրցաձևի հրաձգության աշխարհի առաջնությանը մասնակցում է 17 պետության շուրջ 80 մարզիկ։

Հայաստանի հրաձգության ֆեդերացիայի փոխանցմամբ՝ հուլիսի 20-26-ը անցկացվող առաջնության տղամարդկանց անհատական պայքարում Հայկ Մինասյանը վաստակել է 384 միավոր և հռչակվել աշխարհի չեմպիոն։

Թիմային հաշվարկում Հայկ Մինասյանից, Հովհաննես Մարգարյանից և Գոռ Խաչատրյանից կազմված տրիոն գրավել է երկրորդ հորիզոնականը՝ արժանանալով աշխարհի առաջնության արծաթե մեդալներին։

Մրցաշարին մասնակցում են 17 երկրի շուրջ 80 հրաձիգներ։ Հայաստանի հավաքականի կազմում ներգրավված են Մարի Ղազարյանը, Համլետ Կարենյանը, Լիլիթ Մկրտչյանը, Գոռ Խաչատրյանը, Անահիտ Սարգսյանը, Հովհաննես Մարգարյանը, Աիդա Ազատյանը, Գոռ Մարտիրոսյանը, Արուսյակ Գրիգորյանը, Հայկ Մինասյանը, Լիլիթ Մկրտչյանն ու Մանվել Միրզոյանը։