Լավրովը Բաքվում կքննարկի Լեռնային Ղարաբաղի խնդիրը

ՌԴ ԱԳՆ ղեկավար Սերգեյ Լավրովը այցելել է Ադրբեջանի մայրաքաղաք Բաքու, որտեղ հանդիպելու է երկրի նախագահ Իլհամ Ալիևի, ինչպես նաև արտգործնախարար Էլմար Մամեդյարովի հետ։ Այս մասին լրագրողների հետ ճեպազրույցում ասել է Մարիա Զախարովան, հայտնում է ТАСС-ը: Վաղը Բաքվում տեղի է ունենալու նաև Սևծովյան տնտեսական համագործակցության կազմակերպության ԱԳՆ ղեկավարների խորհրդի նիստը։ Նշենք, որ կառույցում այժմ նախագահում է Ադրբեջանը։ Զախարովայի խոսքով` կդիտարկվի տնտեսական համագործակցության ոլորտում տարածաշրջանային օրակարգին վերաբերող հարցերի լայն շրջանակ: Ռուսաստանի արտգործնախարար Սերգեյ Լավրովը քննարկելու է նաև Լեռնային Ղարաբաղի խնդիրը։ Մարիա Զախարովան ընդգծել է, որ այսօր առկա է հայ-ադրբեջանական երկխոսություն Ղարաբաղի շուրջ։