Երևանի Նոր Նորք համայնքի ընդհանուր իրավասության դատարանում քիչ առաջ մեկնարկեց նախկին փոխվարչապետ Արմեն Գևորգյանի կալանքի հարցով դատական նիստը։ Արմեն Գեւորգյանը, ի պատասխան լրագրողների հարցի միայն ասաց, որ առաջադրված մեղադրանքները չի ընդունում, այլ հարցերի հրաժարվեց պատասխանել: «Մեղադրանքին ծանոթ եմ, բնական է, որ չեմ ընդունում»,-նշեց նա։ Հիշեցնենք` Արմեն Գևորգյանին մեղադրանք էր առաջադրվել Մարտի 1-ի քրեական գործի քրեական գործի շրջանակում։ Ինչպես լրագրողներին հայտնել էր ՀՔԾ պետ Սասուն Խաչատրյանը, մեղադրանքը սահմանադրական կարգը տապալելու հոդվածով չէ, այլ արդարադատության իրականացումը խոչընդոտելու`ՀՀ քրեական օրենսգրքի 332 հոդվածի 3-րդ մասով:Մեղադրանքը հիմնված է` Wikileaks-ի այն հրապարակմանը, որի համաձայն` Սահմանադրական դատարանի դատավոր Վալերի Պողոսյանի նկատմամբ ճնշում է եղել, նա բողոքել է, ասել է՝ Ռոբերտ Քոչարյանի աշխատակազմից իր վրա ճնշում կա, որ ինքը որոշում կայացնի Սերժ Սարգսյանին օգտին: Ըստ ՀՔԾ պետի` վիկիլիքսյան հրապարակումը հիմնավորվել է. Արմեն Գևորգյանը մեկ այլ պաշտոնյայի հետ միասին, փորձել է ճնշում գործադրել ՍԴ դատավոր Վալերի Պողոսյանի վրա։ Նրա նկատմամբ նախապես կիրառվել էր չհեռանալու մասին ստորագրություն: