«Հայոց Արծիվներ. Միասնական Հայաստան» կուսակցության փոխնախագահը ԱԱԾ-ում հացադուլ է հայտարարել «Հայոց Արծիվներ. Միասնական Հայաստան» կուսակցության փոխնախագահ, նախօրեին ձերբակալված Մհեր Եղիազարյանը, հացադուլ է հայտարարել: Նա այս առնչությամբ հայտարարություն է տարածել, որտեղ նշել է. «Իմ հանդեպ հարուցված քրեական գործի նախաքննության ընթացքին չվստահելու և քննությունը ուշացված տանելու նպատակով հրաժարվում եմ շարունակել մասնակցություն ունենալ այդ գործընթացին, ուստի հայտարարում եմ. -դեկտեմբերի 5-ին, ժամը 9.00-ից հայտարարում եմ հացադուլ՝ ՀՀ ԱԱԾ ՏԱ ԺՊՎ գտնվող խցում. -դիմում եմ ՀՀ մարդու իրավունքների պաշտպանի գրասենյակ՝ պաշտպանի հետ հանդիպման խնդրանքով -կմասնակցեմ սույն գործով դատական նիստին -խնդրում եմ տալ հնարավորություն՝ նշված հայտարարությունը արագ տարածելու համար»: Հիշեցնենք, որ Մհեր Եղիազարյանը ձերբակալվել էր երեկ, ՀՀ ԱԱԾ քննչական դեպարտամենտում հարուցվել է քրեական գործ կաշառք տալու պատրվակով, առանձնապես խոշոր չափերի խարդախության դեպքի մասով։