Բողոքի ակցիաներ են իրականացվում Մեծ Բրիտանիայի մայրաքաղաք Լոնդոնում: Այս մասին հայտնել է Russia Today-ը: Լրատվամիջոսի տվյալներով՝ իրենց դժգոհությունն են հայտնում տաքսու վարորդները: Բանն այն է, որ տրանսպորտի նախարարությունը օդի աղտոտման և վրաերթների պատճառով որոշակի սահմանափակումներ է մտցրել տաքսիների երթևեկության մեջ: Այսուհետ որոշ փողոցները նախատեսված կլինեն միայն ավտոբուսների երթևեկության համար: Ի նշան բողոքի՝ վարորդները իրենց մեքենաներով փակել են քաղաքի կենտրոնական բանկի հարակից փողոցները: Նրանք նաև պլանավորում են այս շաբաթ ամեն օր «պիկ» ժամերին փակել տրանսպորտային երթևեկության խոշոր հանգույցները: