ԼՈՒՍԱՆԿԱՐՆԵՐ․Թրամփը շրջել է հրդեհից ոչնչացված քաղաքի ավերակներով
Միացյալ Նահանգների նախագահ Դոնալդ Թրամփը շրջել է Կալիֆոռնիա նահանգի պատմության մեջ ամենակործանարար անտառային հրդեհներից ավերված Փերըդայս քաղաքով: Այս մասին հայտնում է Daily Mail-ը:
Լրատվականը նշում է՝ Թրամփը լուռ քայլել է Փերըդայսի քաղաքապետ Ջոդի Ջոնսի ուղեկցությամբ և անձամբ դիտել ավերված քաղաքը:
Հրդեհները 74 մարդու կյանք են խլել, ևս 1.011-ը համարվում են անհետ կորած:
«Ոչ ոք չէր կարող մտածել, որ նման բան տեղի կունենա: Դաշնային կառավարությունը ձեր կողքին է: Մենք բոլորս միմյանց կողքին պետք է լինենք»,- ասել է Թրամփը՝ ընդգծելով, որ որոշ զոհերի մարմիններ այրվել են «անճանաչելիության աստիճան»:
Հրդեհի բռնկումից ժամեր անց գրեթե 12.000 տուն ու շենք է այրվել՝ ներառյալ Փերըդայս քաղաքի մեծ մասը:
