Ո՞վ կմասնակցի ՀԱՊԿ անդամ երկրների ղեկավարների հանդիպմանը. Նիկոլ Փաշինյան, թե՞ Արարատ Միրզոյան
Դեկտեմբերի 6-ին կայանալիք` ՀԱՊԿ անդամ երկրների ղեկավարների հանդիպմանը Հայաստանը կներկայացնի ոչ թե առաջին փոխվարչապետի պաշտոնակատարը, այլ ՀՀ վարչապետի պաշտոնակատարը: Այս մասին, «Արմենպրես»-ի հարցին ի պատասխան, ասել է ՀՀ առաջին փոխվարչապետի պաշտոնակատար Արարատ Միրզոյանը՝ հերքելով տեղեկատվությունը, թե ինքը պետք է մասնակցի դեկտեմբերի 6-ին կայանալիք հանդիպմանը: \r\n\r\n«Դա այն ֆորմատը չէ, որ առաջին փոխվարչապետը գնա: Դա նախագահների ֆորմատ է, և Հայաստանը կներկայացնի վարչապետը: Ես չեմ գնալու»,- ասել է Արարատ Միրզոյանը:\r\n\r\nԻ դեպ ՀԱՊԿ անդամ երկրների ղեկավարները դաշինքի դեկտեմբերի 6-ի վեհաժողովում նոր գլխավոր քարտուղար չեն ընտրի: Այդ մասին РБК--ին ասել է ՀՀ վարչապետի խորհրդական Արսեն Գասպարյանը: Իսկ քանի որ այս տարի ՀԱՊԿ ղեկավարների այլ հանդիպում նախատեսված չէ, մինչեւ 2019 թ. կազմակերպության նոր գլխավոր քարտուղար չի ընտրվի:\r\n\r\n«Գլխավոր քարտուղարի հարցը չի քննարկվի: Օրակարգն արդեն ուղարկվել է Սանկտ Պետերբուրգի հանդիպման բոլոր մասնակիցներին», - ասել է Արսեն Գասպարյանը:
