Ուկրաինան ամեն օր մոտենում է պարտության. Պեսկով

Ուկրաինան ամեն օր մոտենում է պարտության, և Կիևում դա հստակ գիտակցում են, հայտարարել է ՌԴ նախագահի մամուլի քարտուղար Դմիտրի Պեսկովը։

«Վեստի» տեղեկատվական ծառայության հեղինակ Պավել Զարուբինին տված մեկնաբանության ընթացքում Պեսկովն ընդգծել է, որ Կիևի ռեժիմի պարտությունն անխուսափելիորեն մոտենում է օրեցօր։ Նա նշել է, որ յուրաքանչյուր օր ավելի է մոտեցնում այդ պարտությունը, ինչը Կիևում գերազանց հասկանում են։

Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։

Մարտական գործողություններն ընթանում են մինչ օրս։

Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։