193 անշարժ գույք, միլիոնավոր դոլարներ և 29 ընկերություն․ դատախազության պահանջը Գագիկ Խաչատրյանի նկատմամբ

Գլխավոր դատախազությունը պահանջ է ներկայացրել ՀՀ ՊԵԿ նախկին նախագահ Գագիկ Խաչատրյանից և նրա հետ փոխկապակցված անձանցից հօգուտ պետության բռնագանձել ծավալուն գույք ու ֆինանսական միջոցներ։

Պահանջը ներառում է 193 անշարժ գույք, այդ թվում՝ 46 բնակարան Կենտրոն վարչական շրջանում և 89 անշարժ գույք Կոտայքի մարզում։ 

Բացի այդ, դատախազությունը պահանջում է բռնագանձել մասնակցություն 29 իրավաբանական անձում (որոնց թվում են «ՄԵԳԱՍՊՈՐՏ» ՍՊԸ-ն և «ՄԵԳԱ ՖՈՒԴ» ՍՊԸ-ն), ինչպես նաև 14 շարժական գույք։

Ցանկում ներառված են 1.451.074 ԱՄՆ դոլարով ձեռք բերված պարտատոմսեր, 147.210 ԱՄՆ դոլարի ավանդ, 23.081.354 ԱՄՆ դոլարի, 409.806.800 ՀՀ դրամի ու 9.750 եվրոյի չափով փոխառության պահանջի իրավունք, ինչպես նաև 17.761.537.781 դրամ։