Արարատի մարզը կսպասարկվի 87 նոր ավտոբուսով

ՀՀ տարածքային կառավարման և ենթակառուցվածքների նախարար Դավիթ Խուդաթյանն այսօր նախարարի տեղակալ Արմեն Սիմոնյանի, մարզպետ Սեդրակ Թևոնյանի և մարզի համայնքապետերի հետ ծանոթացել է Արարատի մարզի միասնական երթուղային ցանցի նոր տրանսպորտային միջոցների ամբողջական խմբաքանակին։ 

Արարատի մարզի միասնական երթուղին շահագործող ընկերությունը սպասարկումն իրականացնելու է 87 նոր տրանսպորտային միջոցով։ Նախարարը շրջայց է կատարել, ուսումնասիրել նոր տրանսպորտային միջոցները և նոր ավտոբուսներից մեկով փորձնական երթևեկություն է իրականացրել Արտաշատ քաղաքում։ Տրանսպորտային միջոցների մի մասն ապահովված է օդափոխության համակարգերով և հարմարեցված է հատուկ կարիքներ ունեցող ուղևորների համար։