Ադրբեջանը կտրուկ նվազեցրել է Ռուսաստանից ապրանքների ներմուծումը

2026 թվականի հունվար-հունիսին Ադրբեջանի և Ռուսաստանի միջև ապրանքաշրջանառությունը նախորդ տարվա նույն ժամանակահատվածի համեմատ նվազել է 31,4%-ով և կազմել 1,728 միլիարդ դոլար. հետևում է Ադրբեջանի Պետական մաքսային կոմիտեի տվյալներից։ 

Այս ժամանակահատվածում Ռուսաստանի մասնաբաժինը կազմել է Ադրբեջանի ընդհանուր արտաքին առևտրաշրջանառության շուրջ 7%-ը։ Դեպի ռուսական շուկա ադրբեջանական արտադրանքի արտահանումն աճել է 3%-ով և հասել 608,557 միլիոն դոլարի։ Ընդ որում, Ռուսաստանից ներմուծումը կրճատվել է 42%-ով՝ հասնելով 1,119 միլիարդ դոլարի։ 

Առաջին կիսամյակի արդյունքներով Ադրբեջանի արտաքին առևտրի ընդհանուր ծավալը կազմել է 24,661 միլիարդ դոլար՝ նախորդ տարվա նույն ժամանակահատվածի համեմատ ավելանալով 1,1%-ով։ Արտահանումն աճել է 26,7%-ով՝ հասնելով 16,32 միլիարդ դոլարի, իսկ ներմուծումը նվազել է 27,6%-ով՝ հասնելով 8,341 միլիարդ դոլարի։ Արտաքին առևտրի դրական մնացորդն ավելացել է 5,9 անգամ և կազմել 7,979 միլիարդ դոլար։