Իրանը հարվածներ է հասցրել Բահրեյնում և Հորդանանում տեղակայված ԱՄՆ ռազմաբազաներին

Իրանի զինված ուժերը հայտարարել են, որ անցած գիշեր անօդաչու թռչող սարքերով հարվածներ են հասցրել Բահրեյնում գտնվող Շեյխ Իսա և Հորդանանում գտնվող Ալ-Ազրաք ամերիկյան ռազմաբազաներին։

Իրանական բանակի մամուլի ծառայության հաղորդմամբ՝ Շեյխ Իսա ռազմաբազայում թիրախավորվել են վառելիքի պահեստները, պահեստային տարածքները, խոշոր սարքավորումների անգարներն ու ամերիկյան զինծառայողների տեղակայման վայրերը։ Նշվում է նաև, որ Ալ-Ազրաք ռազմաբազայում հարվածներ են հասցվել ինքնաթիռների սպասարկման և վերանորոգման անգարներին, ինչպես նաև ԱՄՆ զինված ուժերի տեղակայման կետերին։

Հայտարարությունը տարածել է իրանական Fars գործակալությունը։

Հիշեցնենք, որ ԱՄՆ-ն և Իսրայելը պատերազմ են սկսել Իրանի դեմ փետրվարի 28-ին։ Հունիսին Վաշինգտոնն ու Թեհրանը փոխըմբռնման հուշագիր են ստորագրել, որը նախատեսում էր անհապաղ դադարեցնել ռազմական գործողությունները բոլոր ուղղություններով, այդ թվում՝ Լիբանանում։ Սակայն հուլիսի 8-ի գիշերը ԱՄՆ-ն վերսկսել է Իրանի նկատմամբ լայնածավալ հարվածները՝ մեղադրելով Թեհրանին Օրմուզի նեղուցի վերաբերյալ պայմանավորվածությունները խախտելու մեջ։