12:00 Լուրերը մեկ տողով. Զգուշացում ՆԳՆ-ից, ռեկորդային հրդեհներ և փրկված արագիլ․

Անցած ժամվա լուրերը՝ հակիրճ և բովանդակային.

•ՆԳՆ-ն զգուշացնում է քաղաքացիներին Ճանապարհային Ոստիկանության անունից ուղարկվող կեղծ և ֆինանսական խարդախության նպատակ հետապնդող հաղորդագրությունների մասին:

•ԲՀԿ առաջնորդ Գագիկ Ծառուկյանին կրկին ներկայացրել են ՊԵԿ քննչական վարչություն;

•Իլոն Մասկը հայտարարել է, որ Ուկրաինայում խաղաղության հասնելու համար Արևմուտքը ստիպված է որոշակի զիջումների գնալ Ռուսաստանին:

•Վլադիմիր Զելենսկին Դոնալդ Թրամփի հետ հարաբերությունների բարելավման բեկումնային պահ է համարել 2025 թվականին Վատիկանում կայացած առանձնազրույցը:

•Թեհրանը հայտարարել է, որ ԱՄՆ-ի կողմից Իրանի դեմ հարվածներին աջակցող ցանկացած երկիր կդիտարկվի որպես ռազմական թիրախ:

•Ֆրանսիայում անտառային հրդեհներից այրվել է 42 հազար հեկտար տարածք՝ գրանցելով վերջին երկու տասնամյակի ռեկորդային ցուցանիշ:

•Հայաստանի տարածքում բոլոր ավտոճանապարհները, ինչպես նաև Ստեփանծմինդա-Լարս միջանցքը, բաց են տրանսպորտային միջոցների համար:

•Փրկարարները Ջաջուռ բնակավայրում օգնություն են ցուցաբերել բնից ընկած արագիլի ձագին և տեղափոխել հատուկ հիմնադրամ: