Կրեմլը Բերնհեմի իշխանության գալուց հետո Լոնդոնի հետ հարաբերությունների բարելավման հույսեր չունի

Կրեմլը չի ակնկալում, որ Մեծ Բրիտանիայի նոր վարչապետ Էնդի Բերնհեմի իշխանության գալուց հետո Լոնդոնի հետ հարաբերությունները կբարելավվեն։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։

«Ոչ, նման հույսեր մենք չենք փայփայում, նման սպասումներ չունենք»,- ասել է Պեսկովը։

Նրա խոսքով՝ Բերնհեմի առաջին հայտարարություններից մեկը վերաբերում էր Ուկրաինային աջակցելու շարունակական պատրաստակամությանը, ինչը, ըստ Կրեմլի, նշանակում է, որ Լոնդոնը մտադիր է շարունակել պատերազմին աջակցող իր քաղաքականությունը։

Պեսկովը նշել է, որ Մոսկվայում արձանագրել են այդ դիրքորոշումը։

Հիշեցնենք, որ Էնդի Բերնհեմը պաշտոնապես ստանձնել է Մեծ Բրիտանիայի վարչապետի պաշտոնը՝ փոխարինելով Լեյբորիստական կուսակցության առաջնորդ Քիր Սթարմերին, որը հրաժարական էր տվել երկարատև քաղաքական ճգնաժամից հետո։

Բերնհեմը հայտարարել է, որ Լոնդոնի աջակցությունն Ուկրաինային կմնա «անսասան»։ Նա նաև հայտնել է, որ իր առաջին միջազգային շփումներից մեկը լինելու է Ուկրաինայի նախագահ Վլադիմիր Զելենսկու հետ հեռախոսազրույցը, որի ընթացքում մտադիր է հավաստիացնել, որ Մեծ Բրիտանիայի քաղաքականության մեջ Ուկրաինայի հարցով որևէ փոփոխություն չի եղել։