Ռուսասանի դեսպանը կկանչվի Ֆրանսիայի ԱԳՆ
Ֆրանսիայի արտաքին գործերի նախարար Ժան-Նոել Բարոն հայտարարել է առաջիկա օրերին Ռուսաստանի դեսպան Ալեքսեյ Մեշկովին երկրի արտաքին քաղաքական գերատեսչություն կանչելու մասին։
Երկուշաբթի օրը ԲեՖԵմ ՏեՎե հեռուստաալիքի եթերում Ֆրանսիայի արտաքին գործերի նախարար Ժան-Նոել Բարոն հայտնել է. «Մենք առաջիկա օրերին կկանչենք Ֆրանսիայում Ռուսաստանի դեսպանին, ինչպես նաև պատժամիջոցներ կսահմանենք ինը ֆիզիկական անձանց և չորս ընկերությունների նկատմամբ, որոնք պատասխանատու են այս կիբերարշավի համար»։
Նախարարի փոխանցմամբ՝ Ֆրանսիան ներառված է եվրոպական այն 10 պետությունների շարքում, որոնք վերջերս թիրախավորվել են կիբերհարձակումների կողմից։ Ժան-Նոել Բարոն նշել է, որ հարձակումներ են գրանցվել նաև գերատեսչությունների ու ընկերությունների նկատմամբ, իսկ հաքերների հիմնական նպատակն է եղել սաբոտաժն ու լրտեսությունը։
Նմանատիպ հոդվածներ
Ավելին Քաղաքականություն բաժնից
Հայ օլիգարխն աջակցել է Օկամպոյին. Ալիև
Հորմուզի նեղուցով առևտրային նավերի երթևեկությունը դադարեցվել է. BBC
Ալիևի կոչը ԱՄՆ-ին․ ամբողջությամբ չեղարկել հայամետ սենատորների նախաձեռնած 907-րդ ուղղումը
