Պեսկովը` Անկարայում Թրամփի դեմ մահափորձի լուրերի մասին
Ռուսաստանի նախագահի մամուլի քարտուղար Դմիտրի Պեսկովը հրաժարվել է մեկնաբանել լրատվամիջոցների տարածած տեղեկությունները Անկարայում ԱՄՆ նախագահ Դոնալդ Թրամփի դեմ նախապատրաստվող հնարավոր մահափորձի վերաբերյալ՝ պատճառաբանելով, որ չի տիրապետում նման տվյալների։
Իսրայելական լրատվամիջոցներն ավելի վաղ հայտնել էին, որ Թրամփի դեմ ենթադրյալ մահափորձը հնարավոր է տեղի ունենար Անկարա նրա կատարած այցելության ընթացքում, որտեղ հուլիսի 7-8-ին ընթանում էր ՆԱՏՕ-ի գագաթնաժողովը։
«Ես որևէ կերպ չէի մեկնաբանի այդ լուրը, որովհետև նման տեղեկատվության չեմ տիրապետում։ Եվ չգիտեմ, թե որքանով կարելի է վստահությամբ վերաբերվել իսրայելական այդ աղբյուրներին», - ասել է Պեսկովը լրագրողներին՝ պատասխանելով իսրայելական ԶԼՄ-ներում Թրամփի դեմ իբր նախապատրաստվող մահափորձի մասին տեղեկատվությունը մեկնաբանելու խնդրանքին։
Նմանատիպ հոդվածներ
Ավելին Քաղաքականություն բաժնից
ՄԻՊ ներկայացուցիչներն այցելել են «Աբովյան» քրեակատարողական հիմնարկ, հանդիպել նաև Արեգնազ Մանուկյանի հետ
TRIPP երթուղում սահմանային և մաքսային գործառույթները կմնան ՀՀ-ի վերահսկողության ներքո. Ազատություն
Իրանը չի հրաժարվում ԱՄՆ-ի հետ հարցերը դիվանագիտությամբ լուծել
