Սիրիայի համար կա մեկ հիմնական ռիսկ. Թուրքիայի արտգործնախարար

Թուրքիայի արտգործնախարար Հաքան Ֆիդանը հայտարարել է, որ Սիրիայի համար կա մեկ հիմնական ռիսկ՝ Իսրայելի քաղաքականությունը։

«Մենք վստահ չենք, որ Իսրայելը ցանկանում է տեսնել կայուն, բարգավաճ, ուժեղ, զարգացող և ծաղկող Սիրիա։

Իսրայելը փորձում է անկայունացնել Սիրիան։ Սա է այն, ինչ մենք չենք ուզում տեսնել։

Եվ սա է այն, ինչ մենք ուզում ենք փոխանցել իսրայելցիներին, ինչպես նաև տարածաշրջանի կառավարություններին։ Նայեք, դադարեցրեք այնպիսի ռազմավարության կիրառումը, որը պահանջում է, որ ձեր անվտանգությունն ապահովվի ուրիշի անապահովության և պառակտման միջոցով։

Եկեք փոխենք դա։ Գիտեք, երբ տարածաշրջանի մյուս երկրները կայուն և անվտանգ դառնան, դա կարող է նաև ձեզ օգուտ բերել», - հայտարարել է Թուրքիայի արտգործնախարարը։