Կլինենք Հայաստանի բոլոր մարզերում՝ մարդկանց խնդիրներով զբաղվելու համար. «Ուժեղ Հայաստան» դաշինք

«Ուժեղ Հայաստան» դաշինքի պատգամավորի թեկնածու Մարիաննա Ղահրամանյանը հայտնել է, որ թիմով այցելել են Արարատի մարզի գյուղեր։

«Մեր գլխավոր խնդրին՝ իշխանափոխության օրակարգին զուգահեռ, տեղերում փորձելու ենք օգտակար լինել մեզ իրենց քվեն վստահած հայրենակիցներին», - գրել է նա։

Ղահրամանյանի խոսքով՝ նույն ձևաչափով պատրաստվում են այցելել Հայաստանի բոլոր մարզերը և, իրենց հնարավորությունների սահմաններում, նպաստել տեղական խնդիրների լուծմանը։

«Կոտրելու ենք այն կարծրատիպը, թե քաղաքական ուժերը մարդկանց հիշում են միայն քարոզարշավից քարոզարշավ», - նշել է նա։