Ադրբեջանի ռազմաօդային ուժերում անցկացվել են ուսումնական թռիչքներ

Ադրբեջանի պաշտպանության նախարարությունը հայտնում է, որ ռազմաօդային ուժերի ավիացիոն ստորաբաժանումներում անցկացվել են ուսումնական թռիչքներ։

Գործնական թռիչքներ են իրականացվել JF-17C (Block III), L-39, ինչպես նաև Su-25ML և Su-25 գրոհային ինքնաթիռներով։ Վարժանքների ընթացքում օդաչուները կատարել են անհատական և խմբային թռիչքներ։

Նշվում է, որ ուսումնական պարապմունքների ընթացքում հիմնական ուշադրությունը կենտրոնացվել է տարբեր օդերևութաբանական և մարտավարական պայմաններում առաջադրանքների ճշգրիտ կատարման, ինչպես նաև ինքնաթիռների մարտական կարողությունների կատարելագործման վրա։