Թաքեր Կարլսոնը հայտարարել է ԱՄՆ-ում երրորդ կուսակցություն ստեղծելու մտադրության մասին

Ամերիկացի հեռուստահաղորդավար Թաքեր Կարլսոնը հայտարարել է, որ մտադիր է աջակցել ԱՄՆ-ում երրորդ քաղաքական կուսակցության ստեղծմանը։

Նրա խոսքով՝ Հանրապետական և Դեմոկրատական կուսակցությունները արտաքին քաղաքականության առանցքային հարցերում, այդ թվում՝ Մերձավոր Արևելքում ընթացող պատերազմի նկատմամբ դիրքորոշման հարցում, գործնականում նույն մոտեցումն ունեն։

«Անհրաժեշտ է երրորդ կուսակցություն։ Ես պատրաստվում եմ օգնել դրա ստեղծմանը», — ասել է Կարլսոնը։

«Քոլումբիա Ջորնալիզմ Ռևյու»-ին տված հարցազրույցում նա նշել է, որ ամենակարևոր հարցերը պատերազմն ու ֆինանսներն են։ Կարլսոնի գնահատմամբ՝ քանի որ այս հարցերում երկու հիմնական կուսակցությունների դիրքորոշումները համընկնում են, ԱՄՆ-ում փաստացի գործում է միակուսակցական համակարգ, ուստի անհրաժեշտ է այլընտրանքային քաղաքական ուժ։