ՏԵՍԱՆՅՈՒԹ․ Մեքենաների թվի աճը բարեկեցության հետևանք է․ Ռուբինյան

ԱԺ փոխնախագահ Ռուբեն Ռուբինյանը լրագրողների հետ զրույցում անդրադարձել է Երևանի խցանումների խնդրին՝ նշելով, որ դրա հիմնական պատճառներից մեկը վերջին տարիներին Հայաստանում ավտոմեքենաների թվի կտրուկ աճն է։

Նրա խոսքով՝ ավտոմեքենաների թվի ավելացումը պայմանավորված է նաև քաղաքացիների բարեկեցության աճով։

«Ինչո՞ւ է աճել մեքենաների թիվը․ որովհետև մարդկանց բարեկեցությունն էլ է աճել։ Երբ մարդկանց բարեկեցությունն աճում է, մեքենաների թիվն էլ է ավելանում։ Կան հաշվարկներ, ըստ որոնց՝ վերջին տասը տարվա ընթացքում Հայաստանում ավտոմեքենաների թիվը գրեթե կրկնապատկվել է։ Դա բնական գործընթաց է, բայց, բնականաբար, բերում է նաև խնդիրների, այդ թվում՝ խցանումների»,– ասաց Ռուբինյանը։ Մանրամասները տեսանյութում։