Պակիստանում մարդատար ավտոբուսը գլորվել է ձորը․ զոհերի թիվը հասել է 40-ի

Պակիստանի հյուսիս-արևմուտքում գտնվող Հայբեր Փահթտունհվա նահանգում ուղևորատար ավտոբուսի ձորն ընկնելու հետևանքով առնվազն 40 մարդ է զոհվել։ Այս մասին հուլիսի 3-ին, հղում կատարելով իրավապահ մարմիններին, հայտնել է Samaa TV հեռուստաալիքը։

«Հայբեր Փահթունհվա նահանգի Դհանա Սար շրջանում ուղևորատար ավտոբուսի վթարի հետևանքով զոհվածների թիվը հասել է 40-ի։ Առնվազն ութ վիրավոր ուղևոր այս պահին տեղափոխվել է հիվանդանոց», — հրապարակման մեջ մեջբերվել են Շերանիի կոմիսարի տեղակալ Հազրաթ Վալի Կակարի խոսքերը։

Նշվել է, որ այժմ ողբերգության վայրում շարունակվում է փրկարարական գործողությունը։ Արտակարգ ծառայությունների ներգրավված աշխատակիցները փորձում են դուրս բերել մյուս վիրավորներին և տարհանել նրանց անվտանգ վայր։

Չի հստակեցվել, թե ինչն է դարձել Շերանի շրջանում տեղի ունեցած վթարի պատճառը։