ՀՀ-ում ընտրված պաշտոնյան պետք է ծառայի միայն Հայաստանի Հանրապետությանը․ Արուսյակ Ջուլհակյան

ԱԺ պատգամավոր Արուսյակ Ջուլհակյանը պատգամավորների երդման տեքստի փոփոխման հարցը քննարկելիս նշել է, որ աշխարհասփյուռ հայության նպատակները չեն կարող լինել նույնական, քանի որ տարբեր երկրներում բնակվող հայերն ունեն տարբեր առաջնահերթություններ ու շահեր։ Առաջարկվել է, որ լինի Հայաստանի պետություն Հայաստանի Հանրապետության փոխարեն։

«Չի կարող, օրինակ՝ Նոր Զելանդիայում բնակվող հայը ունենալ նույն նպատակները, ինչ ունի Տոմսկում, կամ ինչու ոչ, Կալուգայում և այլ վայրերում։ Այսինքն այդ համազգային նպատակները չեն կարող լինել միասնական, հետևաբար և Հայաստանի Հանրապետության ժողովրդի կողմից ընտրված պաշտոնյան չպետք է աշխարհասփյուռ հայության նպատակներին ծառայի: »,- նշել է Ջուլհակյանը։

Նա նշել է, որ ունի համոզմունք և պնդում է՝ Հայաստանի Հանրապետության քաղաքացու կողմից ընտրված պաշտոնյան պետք է ծառայի բացառապես Հայաստանի Հանրապետությանը և Հայաստանի Հանրապետության ժողովրդին, այլ ոչ թե հայ ժողովրդին։