Այսօրվա հարձակումը ամբողջ պատերազմի ընթացքում ամենազանգվածայիններից մեկն էր. Զելենսկի

Ուկրաինայի նախագահ Վլադիմիր Զելենսկին հայտարարել է, որ այսօրվա հարձակումը ամբողջ պատերազմի ընթացքում ամենազանգվածայիններից մեկն էր։

«Ռուսաստանը պատասխան կստանա Կիևի վրա այսօրվա հարվածի համար, դա հաստատ է»,-նշել է նա։

Հիշեցնենք, որ գիշերը ՌԴ-ն զանգվածային հարվածներ է հասցրել Ուկրաինայի տարածքին, մասնավորապես՝ Կիևին։ Մոնիտորինգային ռեսուրսների տվյալներով՝ արձակվել է ավելի քան 50 հրթիռ և ավելի քան 70 ռեակտիվ անօդաչու թռչող սարք։ Հաղորդվում է Կիևում 13 զոհի և բազմաթիվ վիրավորների մասին։