Իսրայելի ԱԳ նախարարը կառավարությանը կներկայացնի Հայոց ցեղասպանության ճանաչման մասին բանաձև

Իսրայելի արտաքին գործերի նախարար Գիդեոն Սաարը հայտարարել է, որ կառավարության առաջիկա նիստում կներկայացնի Հայոց ցեղասպանությունը պաշտոնապես ճանաչելու մասին բանաձևի նախագիծը։

Նրա խոսքով՝ կառավարության քննարկումից հետո փաստաթուղթը կներկայացվի նաև Իսրայելի խորհրդարան՝ Քնեսեթ։

«Հայոց ցեղասպանության ճանաչումը ոչ միայն պատմական, այլև բարոյական պարտավորություն է։ Իսրայելը պետք է դատապարտի պատմական ճշմարտության ցանկացած ժխտում, նսեմացում կամ խեղաթյուրում», - գրել է Սաարը X սոցիալական ցանցում։

The Times of Israel-ի տեղեկություններով՝ բանաձևը նախատեսվում է ներկայացնել կիրակի օրը։