Փաշինյանը մեկնաբանել է ՌԴ սահմանափակումների ազդեցությունը Հայաստանի տնտեսության վրա

Դուք տեսել եք, որ տնտեսական ակտիվության ցուցանիշը մայիսին 11 տոկոս է եղել: ՔՊ-ի նիստից առաջ հայտարարել է Նիկոլ Փաշինյանը՝ պատասխանելով այն հարցին, որ ռուսական պատժամիջոցների և ներմուծման արգելքների տակ են հայտնվել նույնիսկ այն ձկնաբուծական ընկերությունները, որոնք երբևէ ձուկ  չեն արտահանել Ռուսաստանի Դաշնություն:

 «Ազդեցությունը միշտ էլ առկա է, բայց թվերն ինքնին խոսում են իրենց մասին»,- ասել է նա:

Նրա խոսքով, առանձին հայաստանյան արտահանողների նկատմամբ ռուսական ժամանակավոր սահմանափակումների կիրառումը կրիտիկական ազդեցություն չի ունեցել երկրի ընդհանուր մակրոտնտեսական ցուցանիշների վրա։

Փաշինյանը հայտարարել է, որ ոլորտային գերատեսչությունները շարունակում են իրավիճակի մանրամասն վերլուծությունը՝ վերջնական եզրակացություններ անելու համար։