ԱՄՆ-ն կարող է ամբողջությամբ դադարեցնել ապաստանի դիմումների ընդունումը՝ հայտարարում են Սպիտակ տանը

Սպիտակ տանը հայտարարել են, որ ԱՄՆ-ն նախատեսում է դադարեցնել քաղաքական ապաստան հայցողների ընդունումը։

Սպիտակ տան աշխատակազմի ղեկավարի տեղակալ Սթիվեն Միլլերի խոսքով՝ մշակվել են պայմանավորվածություններ, ըստ որոնց՝ ապաստան հայցողները կարող են ուղարկվել այլ երկրներ։

«Եթե դուք դիմում եք ապաստանի համար, մենք կգտնենք որևէ այլ երկիր, որը ձեզ կընդունի», - նշել է նա։

Միլլերը նաև հայտարարել է, թե ԱՄՆ-ի հարավ-արևմտյան սահմանին ներկայացվող բոլոր ապաստանի դիմումները «կեղծ են»՝ կոչ անելով Հայիթիի քաղաքացիներին, որոնք գտնվում են ԱՄՆ-ում ժամանակավոր պաշտպանության ծրագրով, վերադառնալ հայրենիք։