Հայաստանի տնտեսական ակտիվության ցուցանիշը գրանցել է զգալի հավելաճ

2026 թվականի մայիսին նախորդ տարվա նույն ամսվա համեմատությամբ Հայաստանում տնտեսական ակտիվության ցուցանիշի աճը կազմել է 11.7%, իսկ նախորդ ամսվա համեմատ՝ 9.9%:

Այս տվյալների մասին հայտնում են Կառավարությունից։ Դիտարկվող ժամանակահատվածում, նախորդ տարվա համեմատությամբ, տնտեսության տարբեր ճյուղերում արձանագրվել են հետևյալ փոփոխությունները. 

• Շինարարության ոլորտում գրանցվել է 27.1% աճ
• Ծառայությունների ոլորտում՝ 14․7% աճ
• Արդյունաբերության մեջ՝ 9․5% աճ

Առևտրի շրջանառության ծավալները մնացել են անփոփոխ։ 2026 թվականի մայիսին, նախորդ տարվա նույն ամսվա հետ համեմատած, Հայաստանի Հանրապետության արտաքին առևտրաշրջանառության ծավալները նվազել են 5․3 %-ով, ընդ որում՝ արտահանման ցուցանիշը նվազել է 11․5 %-ով, իսկ ներմուծումը՝ 1․6 %-ով: Նշված ժամանակահատվածում, նախորդ տարվա համեմատ, ՀՀ սպառողական շուկայում արձանագրված գնաճը կազմել է 4.2%: