15:00 Լուրերը մեկ տողով. ՍԴ որոշումը, կործանարար հարվածներ Ղրիմին, Ռուսաստանում վառելիքի ճգնաժամ

Անցած ժամվա լուրերը՝ հակիրճ և բովանդակային.

. ՍԴ-ն չի քննել դատավորի մասնակցության հարցը. Սահմանադրական դատարանը քննության առարկա չի դարձրել Սեդա Սաֆարյանի դեմ ներկայացված միջնորդությունը: Դատավորը կմասնակցի ընտրությունների արդյունքների վիճարկման գործի քննությանը:

. Անհատական գանգատները Բաքվի դեմ շարունակվում են. Իրավաբանական համայնքը վստահեցնում է, որ արցախցիների գույքային իրավունքների պաշտպանության գործընթացը կապ չունի միջպետական վարույթների հետ: Քաղաքացիների անհատական դիմումների ներկայացումը միջազգային ատյաններ կրելու է շարունակական բնույթ:

. Հայաստանը 80 միլիոն եվրոյի վարկային համաձայնագիր է ստորագրել. Ֆինանսների նախարարությունը ՕՊԵԿ-ի Միջազգային զարգացման հիմնադրամի հետ կնքել է բյուջետային աջակցության պայմանագիր: Միջոցներն ուղղվելու են երկրի տնտեսական վերափոխման ծրագրի իրականացմանը:

. ՀԱՊԿ-ը կքննարկի Երևանի անդամակցության հեռանկարը. Կազմակերպության բարձրագույն ղեկավարությունը մանրակրկիտ անդրադարձ կկատարի Հայաստանի հետագա կարգավիճակի հարցին: Միաժամանակ կառույցից հնչում են մտահոգություններ Արևմուտքի հետ Երևանի ռազմաքաղաքական քայլերի վերաբերյալ:

. Բաքուն առաջ է մղում վերադարձի իր օրակարգը. Ադրբեջանցի պատգամավորը հայտարարել է, որ «արևմտյան ադրբեջանցիների» վերադարձի հարցն արդեն ներառվել է միջազգային փաստաթղթերում: Գործընթացն ակտիվորեն քննարկվում է ՄԱԿ-ի և այլ հարթակների շրջանակներում:

. Ուկրաինան հատուկ գործողություն է իրականացրել Ղրիմում. Ուկրաինայի անվտանգության ծառայությունը հարվածներ է հասցնել թերակղզու ռազմական ենթակառուցվածքներին: Թիրախում են հայտնվել երկու ռազմական օդանավակայաններ և ՀՕՊ համակարգեր:

. Կրեմլը հերքում է Պետդումայի ընտրությունների հետաձգումը. ՌԴ նախագահի մամուլի քարտուղարը հայտարարել է, որ սեպտեմբերին նախատեսված ընտրությունների չեղարկման հարց օրակարգում չկա: Ավելի վաղ լրատվամիջոցները հայտնել էին ուժայինների կողմից նման առաջարկ ներկայացնելու ցանկության մասին:

. ՌԴ մի շարք շրջաններում սահմանափակվել է վառելիքի վաճառքը. Երեք մարզերում արգելվել է բենզինի և դիզելային վառելիքի իրացումը շարժական տարաներով: Քայլն ուղղված է շուկայում արհեստական պակասուրդի կանխմանը՝ արտադրության ծավալների անկման ֆոնին: