«Ուժեղ Հայաստան» դաշինքը հայտարարություն է տարածել իր անունից տարածվող ապատեղեկատվության վերաբերյալ

Տարբեր կեղծ հարթակներ և օգտահաշիվներ «Ուժեղ Հայաստանի» անունից տարածում են իրականությանը չհամապատասխանող տեղեկություններ։ Այս մասին բարձրաձայնում է Մարիաննա Ղահրամանյանը։

«Մասնավորապես, «Ուժեղ Հայաստան» դաշինքի աջակից ներկայացող կեղծ օգտահաշիվներից նամակներ են ուղարկվում զանգվածային լրատվության միջոցներին և անհատ լրագրողներին՝ փորձելով ստեղծել թյուր տպավորություններ և տարածել ապատեղեկատվություն։ Պաշտոնապես հայտարարում ենք, որ նման հաղորդագրությունները որևէ առնչություն չունեն «Ուժեղ Հայաստան»-ի հետ և չեն արտահայտում մեր դիրքորոշումը։ 

Կոչ ենք անում ԶԼՄ-ներին, լրագրողներին և հանրությանը զգոն լինել, տեղեկատվությունը ստուգել բացառապես մեր պաշտոնական հաղորդակցման հարթակներով»,- նշել է նա։