Վերցնե՞լ, թե՞ չվերցնել մանդատները․ «Հրապարակ»

«Հրապարակ»-ը գրում է, որ հունիսի 7-ի ընտրություններից հետո օրակարգում է մանդատները վերցնել-չվերցնելու հարցը։ Նարեկ Կարապետյանը հայտնել է, որ այսօր դիմելու են ԿԸՀ՝ ընտրությունները չեղարկելու պահանջով, բայց խոսակցություններ կան, որ Սամվել Կարապետյանի առաջնորդած «Ուժեղ Հայաստանում» կողմ է մանդատներ վերցնելուն, հատկապես՝ եթե ԲՀԿ-ն վերահաշվարկով անցնի խորհրդարան։

Նշվում է, որ մինչ երեկ երեկո ապագա ֆրակցիան այդ թեմայով չի քննարկել Կարապետյանի հետ, նրա տեսակետը հայտնի չէ։ «Հայաստան» դաշինքում ևս հակված են վերցնել մանդատները՝ հնարավոր անվստահության գործընթացի և Վրաստանի օրինակով ունեցած փորձի հիմնավորմամբ։ Վերջնական որոշումը կընդունվի համատեղ։