Մոսկվան զգուշացնում է Երևանին․ նոր բողոքի ալիք կլինի Հայաստանում

Հայաստանում զանգվածային բողոքի ակցիաների և ներքաղաքական փոփոխությունների հավանականությունը քննարկելիս պետք է հաշվի առնել երկրի նախկին փորձը։ Այս մասին «Լենտա.ռու»-ի հետ զրույցում հայտարարել է քաղաքագետ Իվան Մեզյուխոն՝ անդրադառնալով երկրում տիրող ներկայիս իրավիճակին։

Փորձագետի դիտարկմամբ՝ Հայաստանի գործող վարչապետ Նիկոլ Փաշինյանն իր պաշտոնը ստանձնել է հենց չարտոնված փողոցային ցույցերի և իշխանափոխության ոչ բռնի մեթոդների կիրառման արդյունքում։ Ըստ քաղաքագետի՝ այդ իրադարձությունները փաստացի հանդիսացել են երկրում նախկինում տեղի ունեցած խոշոր բողոքի ալիքի դրսևորումը։

Մեզյուխոն նշել է, որ ներկայումս իրադարձությունների զարգացումը կարող է հանգեցնել երկրի ներսում նոր ազդեցության կենտրոնի ձևավորմանը։ Ըստ նրա կանխատեսման՝ այդ նոր ուժը հետագայում կարող է արժանանալ արևմտյան գործընկերների, մասնավորապես՝ Եվրոպական միության կամ ԱՄՆ ապագա ղեկավարության աջակցությանը։