Երբեմնի չակերտավոր ուժեղները և հզորները այսօր ոչինչ չեն որոշում. Փաշինյան

Այսօր ընտրություններում մասնակցում են մարդիկ, ովքեր ընդամենը ինը տարի առաջ կարող էին հավակնել, որ իրենք կարող են որոշել մարդկանց ճակատագրեր, իրանք կարող էին որոշել՝ ով բիզնես անի, ով չանի, ով ներմուծի, ով չներմուծի, ով արտահանի, ով չարտահանի, նրանց մեջ եղել է նաև նույնիսկ մեկը, որ հայտարարել է, իրեն հռչակել է միակ տղամարդ, բայց այդ երբեմնի չակերտավոր ուժեղները և հզորները, երբեմնի չակերտավոր միակ տղամարդիկ այսօր Հայաստանի Հանրապետությունում ոչ մի բան չեն որոշում: Այդ մասին նախընտրական քարոզարշավի ժամանակ հայտարարել է վարչապետ Փաշինյանը:

«Նրանք, որ ժամանակին կարող էին հավակնել և մտածել, որ կարող են որոշել Հայաստանի յուրաքանչյուր քաղաքացու ճակատագիր, այսօր ոչ մի բան ոչ միայն չեն որոշում, այլ դուք, հենց դուք եք որոշում նրանց ճակատագիրը, որովհետև Հայաստանի Հանրապետությունում այլևս ուժեղը, այլևս հզորը, այլևս ամենակարողը մի սուբյեկտ է, և այդ սուբյեկտը Հայաստանի Հանրապետության քաղաքացին է, Հայաստանի Հանրապետության ժողովուրդը»,– նշել է նա:

Մանրամասները՝ տեսանյութում: