Այդ երկրները չպետք է խոսեն «կարմիր գծերի» մասին․ Պեսկովն ակնարկ է արել

Այն երկրները, որոնք ամեն ինչ անում են, որպեսզի պատերազմը շարունակվի, թող չխոսեն  «կարմիր գծերի» մասին: Այս մասին ասել է ՌԴ նախագահի մամուլի քարտուղար Դմիտրի Պեսկովը։

«Նրանք՝ ԵՄ-ում, արդեն հատել են այն ամենը, ինչ հնարավոր էր հատել, ուստի այստեղ այլևս իմաստ չունի հաշվել: Բայց ինչ էլ որ տեղի ունենա, բոլոր խնդիրների սկզբնաղբյուրը Ուկրաինան և Կիևի ռեժիմի գործողություններն են։ Մնացած ամեն ինչ դրա հետևանքն է։ Այն երկրները, որոնք անում են ամեն հնարավորը, որպեսզի պատերազմը շարունակվի, չպետք է խոսեն որևէ «կարմիր գծերի» մասին»,- ասել է Պեսկովը։ 

Հավելենք՝ այս թեման բարձրացվել է Ռումինիայում անօդաչու թռչող սարքի ընկնելու համատեքստում։ Եվրոպական հանձնաժողովի նախագահ Ուրսուլա ֆոն դեր Լայենը, պնդելով, որ դրան առնչություն ունի Ռուսաստանը, մեղադրել է Մոսկվային «կարմիր գծերը» հատելու մեջ։