Պուտինի կողմից Փաշինյանին ուղարկված ազդանշանը բացահայտվել է․ L'Antidiplomatico

ՌԴ նախագահ Վլադիմիր Պուտինի այցը Ղազախստան ուղերձ է հղել Հայաստանի վարչապետ Նիկոլ Փաշինյանին, հայտնում է L'Antidiplomatico-ն։

«Այս այցն ունի նշանակություն, որը տարածվում է երկկողմ հարաբերություններից շատ ավելի հեռու։ Հանդիպումը քննարկման առիթ դարձավ Եվրասիական տնտեսական միության  (ԵԱՏՄ) շրջանակներում Հայաստանի ապագայի վերաբերյալ», - նշվում է հրապարակման մեջ։ 

Հրատարակության համաձայն՝ Կրեմլի վերջին հայտարարությունները եվրաինտեգրման հետևանքների մասին կարևոր քաղաքական ազդանշան են դարձել Փաշինյանի կառավարության համար, որը վերջին ամիսներին ակտիվացրել է շփումները Բրյուսելի և մի շարք եվրոպական առաջնորդների հետ։ Նշվում է, որ ԵՄ- ի օգտին ռազմավարական ընտրությունը կարող է անխուսափելի դարձնել եվրասիական կառույցներում Հայաստանի դերի վերանայումը։ 

«Այս համատեքստում Ռուսաստանի նախագահի այցը Ղազախստան ավելի լայն իմաստ է ստանում։ Մինչ որոշ տարածաշրջանային խաղացողներ քննարկում են եվրոպական ինստիտուտների հետ մերձեցման հարցը, Մոսկվան և Աստանան ցուցադրում են եվրասիական տարածքում ինտեգրացիոն մեխանիզմները ամրապնդելու իրենց մտադրությունը», - եզրափակվում է  հոդվածում։

Պարբերականը գրում է՝ ՌԴ նախագահը պաշտոնական այցով ժամանել էր Ղազախստան՝ հանդիպելով երկրի նախագահ  Կասիմ-Ժոմարտ  Տոկաևի հետ : Բանակցություններից հետո ստորագրվել է  երկու երկրների միջև բարեկամության և բարիդրացիության սկզբունքների վերաբերյալ համատեղ հռչակագիր: Ղազախստան կատարած այցից հետո տեղի ունեցած մամուլի ասուլիսում նա լրագրողներին ասել է, որ Ռուսաստանը պնդում է Եվրասիական տնտեսական միության (ԵԱՏՄ) կամ ԵՄ-ի կազմում Հայաստանի ապագայի վերաբերյալ հանրաքվե անցկացնելու անհրաժեշտության վրա՝ որքան հնարավոր է շուտ։ Պուտինը նաև զգուշացրել է, որ Մոսկվան կարող է դադարեցնել ինտեգրացիոն գործընթացների շուրջ Երևան հետ համագործակցությունը և հրաժարվել էներգակիրների արտոնյալ գնագոյացման պայմանավորվածություններից։