Մեդվեդևը սպառնում է հարվածել Ուկրաինայի և ՆԱՏՕ-ի ԱԷԿ-ներին

 Ռուսաստանի Դաշնության Անվտանգության խորհրդի փոխնախագահ Դմիտրի Մեդվեդևը հայտարարել է, որ եթե Զապորոժիեի ատոմային էլեկտրակայանը (ԶԱԷԿ) ոչնչացվի ուկրաինական հարձակման հետևանքով, պատասխան քայլերից մեկը կարող է լինել համաչափ հարվածը Ուկրաինայի ատոմային էլեկտրակայաններին։

Նրա խոսքով՝ պատասխան հարվածի թիրախ կարող են դառնալ նաև հակամարտության մեջ ներգրավված ՆԱՏՕ-ի անդամ երկրների ատոմային էլեկտրակայանները։

«Այս մասին արդեն մեկ անգամ գրել եմ, բայց կրկին կկրկնեմ այս կոշտ խոսքերը։ Ակնհայտ է, որ ատոմային էլեկտրակայանի մեքենայական կամ ռեակտորային դահլիճի աղետալի ոչնչացման դեպքում կլինի նոր Չեռնոբիլ։ Եվ դա ոչնչով լավ չէ, քան տակտիկական միջուկային զենքի կիրառումը», - հայտարարել է Մեդվեդևը։