Տիեզերքում մարդու վերարտադրությո՞ւն․ Չինաստանի նոր փորձը շոկի է ենթարկել գիտական աշխարհը

Չինաստանը մեկնարկել է տիեզերքում աշխարհում առաջին արհեստական ​​սաղմի փորձը, որը նախատեսված է արտաերկրային տարածությունում մարդու երկարատև ներկայության վերաբերյալ տվյալներ հավաքելու համար, հաղորդում է  «Սինհուա» լրատվական գործակալությունը՝ հղում անելով Չինաստանի գիտությունների ակադեմիայի կիրառական տիեզերական տեխնոլոգիաների և ճարտարագիտության կենտրոնին։

««Տյանչժոու-10» բեռնատար տիեզերանավի կողմից տիեզերք տեղափոխված մարդկային «արհեստական ​​սաղմերի» փորձարարական նմուշները տեղադրվել են չինական տիեզերակայանի փորձարարական մոդուլում», - ասվում է հրատարակության մեջ։ 

Գիտափորձի համար օգտագործվող նմուշները իրական սաղմեր չեն, այլ ցողունային բջիջներից ստեղծված կառուցվածքներ, որոնք կրկնօրինակում են մարդու սաղմի վաղ շրջանի զարգացման առանձնահատկությունները: Ծրագրի ղեկավար Յույ Լեցինի պարզաբանմամբ՝ այս մոդելները չեն կարող վերածվել ամբողջական օրգանիզմի, սակայն ծառայում են որպես կարևոր գործիք՝ տիեզերական միջավայրում մարդու վերարտադրողականության և գոյատևման հարցերը հետազոտելու համար:

Հինգ օր տևողությամբ փորձարկումների ավարտից հետո բոլոր նմուշները կսառեցվեն և կտեղափոխվեն Երկիր: Գիտնականները նախատեսում են իրականացնել համեմատական վերլուծություն՝ ուղեծրում ստացված տվյալները հակադրելով երկրային լաբորատորիաներում զուգահեռ ընթացող հետազոտությունների արդյունքների հետ: Ներկա պահին գործընթացն ընթանում է ըստ սահմանված ժամանակացույցի: