Հայաստանն այսօր լրջորեն վտանգված է, ամեն ինչ փչանում է. Ռոբերտ Քոչարյան

Հայաստանն այսօր լրջորեն վտանգված է. այս մարդիկ ընդունակ չեն կանխատեսումներ, հաշվարկներ անել, դաշնակիցների հետ հարաբերությունները փչացնում են: Այդ մասին հայտարարել է «Հայաստան» դաշինքի ղեկավար, վարչապետի թեկնածու Ռոբերտ Քոչարյանը:
 
 «Այնպես են խոսում՝ կարծես աշխարհի տերն են, բայց Հայաստանն այսօր լրջագույն վտանգների առջև են կանգնեցնում, նրանց մոտ միայն ամեն բան փչացնել է հաջողվում»,- նշել է Քոչարյանը: 
 
 Ավելի վաղ նա հայտարարել էր՝ վարչապետը, ճյուղի վրա նստած, սղոցը ձեռքին կտրում է, էնտուզիազմով, ջանասիրությամբ. «Համոզված եմ, այդ ճյուղից ինքը չի ընկնելու, մեր ժողովուրդն է ընկնելու, երկիրն է ընկնելու։ Ինքը թռնելու է, բայց ժողովուրդը, երկիրն ընկնելու են էդ ճյուղից»,- հավելել է «Հայաստան» դաշինքի ղեկավար, վարչապետի թեկնածու Ռոբերտ Քոչարյանը: