ՏԵՍԱՆՅՈՒԹ. «Freedom, freedom». Բողոքի ակցիա` նախագահականի դիմաց

Նախագահականի մոտ՝ ԵՄ պաշտոնյաների հանդիպմանը զուգահեռ, բողոքի ակցիա է իրականացվել: 


«Բոլոր ավտորիտար ղեկավարները փորձում են ուժեղ տղա խաղալ նաև դրսում, Նիկոլը միակն է, որ ավտորիտար է միայն իր երկրի ներսում, որովհետև այդ ռեժիմն օկուպացիոն է»,- ասել է ՀՀԿ փոխնախագահ Արմեն Աշոտյանը:


Ոստիկանները Աշոտյանին և ակցիայի մասնակիցներին հեռացրել են նախագահական նստավայրի դիմացից:


«Freedom, freedom»,-վանկարկեցին ակցիայի մասնակիցները, երբ ԵՄ պաշտոնյաները դուրս էին գալիս նախագահական նստավայրից:

«Մենք խոսում ենք այստեղ լռեցված քաղաքական բանտարկյալների փոխարեն։ Մենք այստեղ խոսում ենք բոլոր այն մարդկանց փոխարեն, ովքեր խոշտանգումների են ենթարկվել, ովքեր քաղաքական հետապնդումների են ենթարկվում, ում խոսքի ազատությունը սահմանափակված է»,- ասում էին նրանք: