Մոսկվայում և Պետերբուրգում բջջային ինտերնետն անհասանելի է

Ռուսաստանի երկու խոշորագույն քաղաքներում բջջային ինտերնետի աշխատանքի խափանումներ են արձանագրվել, որոնք ազդել են նաև արտոնյալ ցանկում ներառված ռեսուրսների վրա։

Սանկտ Պետերբուրգում օգտատերերի դժգոհությունների կտրուկ ավելացում է նկատվել կեսգիշերից սկսած, և իրավիճակը դեռևս չի կարգավորվել։ Մոսկվայում խնդիրների խորացումը, ըստ առկա տվյալների, սկսվել է առավոտյան ժամերից։ Հատկանշական է, որ անհասանելի են մնում նույնիսկ այսպես կոչված «սպիտակ ցուցակները»։

Նախապես կապի օպերատորները հանդես էին եկել հայտարարությամբ՝ զգուշացնելով, որ մայիսի 5-ից 9-ը Մոսկվայի և Սանկտ Պետերբուրգի տարածքներում հնարավոր են բջջային ինտերնետի անջատումներ։