Շատ եմ ուզում, որ չկրկնվի. Սերժ Սարգսյան

Շատ եմ ուզում, որ չկրկնվի, լրագրողներին ասաց Սերժ Սարգսյանը՝ պատասխանելով հարցին՝ ընտրությունների արդյունքում կկրկնվի 2021 թվականի սցենարը, թե ոչ:

Պատասխանելով հարցին, թե հնարավոր է արդյոք նախորդ ընտրությունների իրավիճակի կրկնություն, Սերժ Սարգսյանը նշեց, որ շատ է ցանկանում խուսափել դրանից։ Լրագրողները խնդրեցին նաև մեկնաբանել գործող իշխանության այն քաղաքականությունը, որն ուղղված է Հայոց ցեղասպանությունը մոռացության տալուն։ Երրորդ նախագահի խոսքով՝ նման գործելաոճը հնարավոր չէ նկարագրել մեկ տերմինով։ 

«Դա ազգադավություն է»,- շեշտեց նա։

Անդրադառնալով ադրբեջանցիների կողմից Ստեփանակերտի Մայր տաճարի ավերմանը՝ Սարգսյանը կարծիք հայտնեց, որ Հայաստանի ներկայիս իշխանությունները վանդալիզմը կանխելու ուղղությամբ որևէ քայլ չեն ձեռնարկել և չեն անի։ Հիշեցնենք, որ ՀՀԿ Գործադիր մարմնի նիստում նախապես որոշվել էր, որ Հանրապետական կուսակցությունն անմիջականորեն չի մասնակցի ընտրություններին։