Մետրոյի աշխատողների գործադուլը կաթվածահար է արել տրանսպորտային համակարգը․ Լոնդոն

Լոնդոնում մեկնարկել է մետրոյի աշխատողների գործադուլը, ինչը հանգեցրել է տրանսպորտային երթևեկության սահմանափակումների բոլոր ուղղություններով։ Ինչպես հայտնում է «ՌԻԱ Նովոստի»-ի թղթակիցը, սա կաթվածահար է արել քաղաքի տրանսպորտային համակարգը։ 

Երկաթուղային, ծովային և տրանսպորտային աշխատողների ազգային արհմիությունը (RMT) բողոքի այս ակցիայի մասին հայտարարել էր դեռևս մարտ ամսին։ 

Աշխատակիցների դժգոհության պատճառը աշխատանքային պայմաններն ու ծանր գրաֆիկն են։ Նախապես մարտի վերջին նախատեսված գործադուլը չեղարկվել էր ղեկավարության հետ բանակցելու նպատակով։